அன்பிலே நடங்கள்...

 

அன்பில் நடங்கள்

எபேசியர் 5

எபேசியருக்கு எழுதிய கடிதத்தில், விசுவாசிகள் கிறிஸ்துவில் தங்கள் அழைப்புக்குப் பாத்திரமாக வாழவும், ஒற்றுமை, பணிவு மற்றும் அன்பில் நடக்கவும் அவர் ஊக்குவிக்கிறார்.

கடவுளைப் பின்பற்றுவதன் முக்கியத்துவத்தையும், வாழ்க்கையின் அனைத்து அம்சங்களிலும் அவரது குணத்தைப் பிரதிபலிப்பதன் முக்கியத்துவத்தையும் அவர் வலியுறுத்துகிறார்.

பவுல் திருமணத்தைப் பற்றிய ஆழமான அறிவுறுத்தல்களையும் வழங்குகிறார், இது கிறிஸ்துவுக்கும் திருச்சபைக்கும் இடையிலான உறவை பிரதிபலிக்கும் ஒரு புனித உடன்படிக்கையாக முன்வைக்கிறார்.

திருமணத்திற்கான இந்த தெய்வீக வடிவமைப்பு பரஸ்பர அன்பு, மரியாதை மற்றும் ஆன்மீக ஒற்றுமையில் வேரூன்றியுள்ளது.

ஒழுங்கீனத்தை தவிர்த்தல்

ஒழுக்கத் தூய்மைக்கான அழைப்பு எபேசியர் 5: 3

3. மேலும், பரிசுத்தவான்களுக்கு ஏற்றபடி, வேசித்தனமும், மற்றெந்த அசுத்தமும், பொருளாசையும் ஆகிய இவைகளின் பேர்முதலாய் உங்களுக்குள்ளே சொல்லப்படவுங்கூடாது

பவுல் மூன்று பாவங்களைக் குறிப்பிடுகிறார்:

1.   வேசித்தனம்  (இது திருமண உடன்படிக்கையயை சிதைக்கிறது)

2.   அசுத்தம் (இதயத்தை மாசுபடுத்தும் ஆன்மீக அழுக்கு)

3.   பொருளாசை (உடைமைகள், சிற்றின்பம் அல்லது மாம்சசிந்தை)

ஒவ்வொன்றும் ஒழுக்கச் சீர்கேட்டின் வெவ்வேறு அம்சங்களைக் பிரதிநிதித்துவப்படுத்துகிறது.

ஆகையால், விபசாரம், அசுத்தம், மோகம், துர்இச்சை, விக்கிரகாராதனையான பொருளாசை ஆகிய இவைகளைப் பூமியில் உண்டுபண்ணுகிற உங்கள் அவயவங்களை அழித்துப்போடுங்கள். இவைகளின்பொருட்டே கீழ்ப்படியாமையின் பிள்ளைகள்மேல் தேவகோபாக்கினை வரும். கொலோசெயர் 3: 5-6

நம் நாவைக் காத்துக்கொள்வோம்

அப்படியே வம்பும், புத்தியீனமான பேச்சும், பரியாசமும் தகாதவைகள்; ஸ்தோத்திரஞ்செய்தலே தகும். எபேசியர் 5: 4

1.      வம்பு- அசுத்தம் / ஆபாசமான அல்லது வெட்கக்கேடான பேச்சு.

2.      புத்தியீனமான பேச்சு - பயபக்தி இல்லாத அற்பமான, தெய்வீகமற்ற பேச்சு.

3.      பரியாசம்- மோசமான அல்லது தீங்கு விளைவிக்கும் நகைச்சுவை.

அதற்கு பதிலாக, நம் வாய்கள் நன்றி செலுத்துதலால் நிரப்பப்பட வேண்டும். நன்றியுணர்வு என்பது ஒரு நல்லொழுக்கம் மட்டுமல்ல; அது அசுத்தத்திற்கு எதிரான ஒரு மாற்று மருந்து. நாம் கடவுளுக்கு நன்றி செலுத்தும்போது, ​​பாவ சொற்களுக்கானவாய்ப்புகள் குறைவாக இருக்கும். யாக்கோபு 1:26

ஒழுக்கமின்மையின் விளைவுகள்

விளைவுகள்

விபசாரக்காரனாவது, அசுத்தனாவது, விக்கிரகாராதனைக்காரனாகிய பொருளாசைக்காரனாவது தேவனுடைய ராஜ்யமாகிய கிறிஸ்துவின் ராஜ்யத்திலே சுதந்திர-மடைவதில்லையென்று அறிந்திருக்கிறீர்களே. இப்படிப்பட்டவைகளினிமித்தமாகக் கீழ்ப்படியாமையின் பிள்ளைகள்மேல் தேவகோபாக்கினை வருவதால், ஒருவனும் உங்களை வீண்வார்த்தைகளினாலே மோசம்போக்காதபடிக்கு எச்சரிக்கையாயிருங்கள்; அவர்களுக்குப் பங்காளிகளாகாதிருங்கள். எபேசியர் 5: 5-7 

1.   நியாயத்தீர்ப்பு பற்றிய எச்சரிக்கை

2.   வஞ்சகத்திற்கு எதிரான எச்சரிக்கை

3.   மேலே குறிப்பிடப்பட்ட வற்றிலிருந்து விலகி இருப்பதற்கான அறிவு

கிறிஸ்தவ வாழ்வின் சாரம்

நாம் பரிசுத்தவான்களாக இருக்க அழைக்கப்பட்டுள்ளோம் - பிரித்தெடுக்கப்பட்டு, கழுவப்பட்டு, கிறிஸ்துவின் நீதியை அணிந்துகொண்டு. நம்மை மீட்பதற்காகத் தம்முடைய ஜீவனைக் கொடுத்தவருக்குக் கனம் சேர்க்கும் விதமாக நடப்பதே நம் கிறிஸ்தவ வாழ்வின் சாரமாயிருக்கும்.

கடவுளைப் பின்பற்றுபவர்களாக இருத்தல்

நாம் ஏன் கிறிஸ்துவைப் பின்பற்றவேண்டும்?

ஆதலால், நீங்கள் பிரியமான பிள்ளைகளைப்போல தேவனைப் பின்பற்றுகிறவர்களாகி, எபேசியர் 5: 1

§        நாம் கடவுளின் பிள்ளைகள். கிறிஸ்துவைப் பின்பற்றுவதன் மூலம், கடவுளின் சித்தம் மற்றும் நோக்கத்துடன் ஒத்துப்போகும் வாழ்க்கையை வாழ முயற்சிக்கிறோம்.

§       அடிப்படையில், இது நம்மை ஆவிக்குரிய சிறந்த பதிப்பாக மாற்றி, கடவுளுக்கு மகிமை சேர்க்கும் வாழ்க்கையை வாழ்வது பற்றியது.

அவருடைய நாமத்தின்மேல் விசுவாசமுள்ளவர்களாய் அவரை ஏற்றுக்கொண்டவர்கள் எத்தனைபேர்களோ, அத்தனைபேர்களும் தேவனுடைய பிள்ளைகளாகும்படி, அவர்களுக்கு அதிகாரங்கொடுத்தார். அவர்கள், இரத்தத்தினாலாவது மாம்ச சித்தத்தினாலாவது புருஷனுடைய சித்தத்தினாலாவது பிறவாமல், தேவனாலே பிறந்தவர்கள். யோவான் 1: 12-13 

பின்பற்றுவது என்றால் என்ன?

§  பின்பற்றுதல் என்பது ஒருவரின் செயல்கள், நடத்தை அல்லது பண்புகளை பிரதிபலிப்பதாகும்.

§  அதாவது, கிறிஸ்துவின் அன்பு, இரக்கம், மன்னிப்பு மற்றும் சுய தியாகம் ஆகிய வழிகளை நம் வாழ்வில் நடைமுறைப்படுத்துத்துவதாகும்.

நானே திராட்சச்செடி, நீங்கள் கொடிகள். ஒருவன் என்னிலும் நான் அவனிலும் நிலைத்திருந்தால், அவன் மிகுந்த கனிகளைக் கொடுப்பான்; என்னையல்லாமல் உங்களால் ஒன்றும் செய்யக்கூடாது. யோவான் 15:5

 இயேசு கிறிஸ்துவின் குணாதிசயங்கள்

உதாரணம்: விபச்சாரத்தில் பிடிபட்ட பெண்

1. இயேசு தனது உரிமையைக் கோரவில்லை, ஆனால் பொறுப்பை ஏற்றுக்கொண்டார்.

2. விபச்சாரத்தில் பிடிபட்ட பெண்ணை இயேசு நியாயந்தீர்க்கவில்லை.

3. இயேசு அவளைத் தண்டிக்கவில்லை.

4. இயேசு அவளுடைய பாவத்தை ஊக்குவிக்கவில்லை, ஆனால் அவளை பாவத்திலிருந்து ஒழுங்குபடுத்தினார்.

இயேசு கிறிஸ்துவின் அன்பும் தியாகமும்

கிறிஸ்து நமக்காகத் தம்மை தேவனுக்குச் சுகந்த வாசனையான காணிக்கையாகவும் பலியாகவும் ஒப்புக்கொடுத்து நம்மில் அன்புகூர்ந்ததுபோல, நீங்களும் அன்பிலே நடந்துகொள்ளுங்கள்.எபேசியர் 5: 2

1. கடவுள் நம்மை நேசிப்பது போல ஒருவரையொருவர் நேசிக்கவும், கடவுள் நம்மை மன்னித்தது போல நாம் பிறரைமன்னிக்கவும் பவுல் நமக்கு சவாலை முன்வைக்கிறார்.
2. நாம் அவருடன் என்றென்றும் வாழ, கிறிஸ்து சிலுவையில் தம் உயிரைத் தியாகம் செய்ததன் மூலம் இந்த அன்பைக் காட்டினார் என்பதை பவுல் நமக்கு நினைவூட்டுகிறார்.
3. நானே நல்ல மேய்ப்பன்: நல்லமேய்ப்பன் ஆடுகளுக்குக்காகத் தன் ஜீவனைக் கொடுக்கிறான். யோவான் 10:11

பரிசுத்த நற்கருணையின் போது, நாம் அவரது உடல், இரத்தம், ஆன்மா மற்றும் தெய்வீகத்தை அப்பம் மற்றும் திராட்சை ரச வடிவில் பெறுகிறோம், அவ்வாரே, இயேசு செய்தது போல், நம் வாழ்க்கையை கடவுளுக்கு அன்பான பலியாகக் கொடுக்க அழைக்கப்படுகிறோம்.

நெருப்பும், பரிசுத்த ஆவியும்

1.         வேதகாமம் முழுவதும், பரிசுத்த ஆவி பெரும்பாலும் நெருப்பின் மூலம் பிரதிநிதித்துவப்படுத்தப்படுவதைக் காண்கிறோம்.
2.         யாத்திராகமம் 14:24 ல், கடவுள் தனது பிரசன்னத்தை ஒரு அக்கினித் தூணில் வெளிப்படுத்தினார், தம் மக்களை வழிநடத்தி பாதுகாத்தார். பெந்தெகொஸ்தே நாளில், பரிசுத்த ஆவி விசுவாசிகள் மீது தங்கியிருந்து அக்கினி நாவுகளாகத் தோன்றினார் (அப்போஸ்தலர் 2:3-4), இது அவரது வல்லமை மற்றும் பிரசன்னத்தைக் குறிக்கிறது. 
3.         எபிரெயர் 12:29 அறிவிக்கிறபடி, "நம்முடைய தேவன் பட்சிக்கிற அக்கினியாயிருக்கிறார்", இது அவருடைய பரிசுத்தம், வல்லமை மற்றும் சுத்திகரிக்கும் பிரசன்னத்தை நமக்கு நினைவூட்டுகிறது.

சுகந்த வாசனை

"சுகந்த வாசனை" என்பது "இனிமையான நறுமணம்"மிக்க தகனபலி அல்லது "ஆகாரத்தை” யெகோவாவுக்கு ஆராதனையாக  ஏறெடுப்பதாக வேதாகமம் விவரிக்கிறது. (ஆதியாகமம் 8:21; யாத் 29:18; லேவி 1:9; எண் 28:2).

•   சுகந்த வாசனையைக் கர்த்தர் முகர்ந்தார். ஆதியாகமம் 8:21

•   ஆட்டுக்கடா முழுவதையும் பலிபீடத்தின்மேல் தகித்துவிடுவாயாக; இது கர்த்தருக்குச் செலுத்தும் சர்வாங்க தகனபலி; இது சுகந்த வாசனையும் கர்த்தருக்குச் செலுத்தும் தகனபலியுமாய் இருக்கும். யாத்திராகமம் 29:18

•   அவைகளையெல்லாம் ஆசாரியன் பலிபீடத்தின்மேல் சர்வாங்க தகனபலியாகத் தகனிக்கக்கடவன்; இது கர்த்தருக்குச் சுகந்த வாசனையான தகனபலி. லேவி 1:9

•     எனக்குச் சுகந்தவாசனையாக, தகனபலிகளுக்கு அடுத்த காணிக்கையையும் அப்பத்தையும், குறித்தகாலத்தில் எனக்குச் செலுத்தும்படிக்குக் கவனமாயிருக்கக்கடவீர்கள்.எண் 28:2

காணிக்கையும், பலியும்

கடவுளுக்கு பூமிக்குரிய உணவோ அல்லது பலிகளின் நறுமணமோ தேவையானதல்ல (சங் 50:12-14).

தாவீது சங்கீதம் 51 இல் எழுதியது போலவும், சாமுவேல் 1 15:22-23 இல் மக்களுக்கு அறிவுறுத்வது போலவும், கடவுளைப் பிரியப்படுத்துவது "ஆன்மீக உணவு" தான்.

•   தேவரீர் நீர் பலியை விரும்புகிறவரல்ல; சர்வாங்க தகனபலியையும் நீர் ஏற்றுக்கொள்ள மாட்டீர். கடவுளுக்கு நான் செலுத்தும் பலி உடைந்த ஆவி; கடவுள், உடைந்த, தாழ்மையான இதயத்தை ஒருபோதும் புறக்கணியாதவர் (சங் 51:16-17).

•   ஆனால் சாமுவேல், "கர்த்தருடைய கட்டளைக்குக் கீழ்ப்படிவதைப் போல, சர்வாங்க தகனபலிகளிலும், பலிகளிலும் கர்த்தர் பிரியமாயிருப்பாரா? பலியை விடக் கீழ்ப்படிதலும், ஆட்டுக்கடாக்களின் கொழுப்பை விடக் கீழ்ப்படிதலும் உத்தமம். பாவம் என்பது குறிசொல்லுதல் போன்றது, மேலும் ஊகம் என்பது விக்கிரகாராதனையின் குற்றம்" போன்றது (1 சாமுவேல் 15:22-23).

இயேசு நம்மை என்ன செய்யும்படி குறிப்பிடுகிறார்? லூக்கா9: 23-24

§  23. பின்பு அவர் எல்லாரையும் நோக்கி: ஒருவன் என் பின்னே வர விரும்பினால், அவன் தன்னைத் தான் வெறுத்து, தன் சிலுவையை அனுதினமும் எடுத்துக்கொண்டு, என்னைப் பின்பற்றக்கடவன்.

§  24. தன் ஜீவனை இரட்சிக்க விரும்புகிறவன் அதை இழந்துபோவான்; என்னிமித்தமாகத் தன் ஜீவனை இழந்துபோகிறவன் அதை இரட்சித்துக்கொள்ளுவான்.

கிறிஸ்துவைப் பின்பற்றுபவர்கள் எதைச் சிலுவையில் அறைய வேண்டும்? கலாத்தியர் 5: 24

§   கிறிஸ்துவினுடையவர்கள் தங்கள் மாம்சத்தையும் அதின் ஆசை இச்சைகளையும் சிலுவையில் அறைந்திருக்கிறார்கள்.

சுருக்கம்:

கர்மேல் பர்வதத்தில் எலிசாவின் சர்வாங்க தகன பலியை பரிசுத்த ஆவியானவர் அக்கினியாய் இறங்கி பட்சித்தார். ஜனங்களெல்லாரும் அதைக் கண்டபோது, முகங்குப்புற விழுந்து: கர்த்தரே தெய்வம், கர்த்தரே தெய்வம் என்றார்கள்.

அது போலவே, கிறிஸ்துவின் விசுவாசிகள் தங்கள் மாம்சத்தையும் அதன் ஆசை இச்சைகளையும் சிலுவையில் அறைந்து, இனிமையான, நறுமணமாக கிறிஸ்துவின் சித்தத்துக்கு ஒப்புக்கொடுத்த வாழ்க்கையை வாழும்போது, அவர்களின் சாட்சி மற்றவர்களின் இதயத்தைத் தொடுகிறது. கர்த்தரை அறியாதவர்கள் கூட அத்தகைய செயலைப் பார்த்து, "உண்மையில், கிறிஸ்துவே கடவுள்" என்று சொல்ல வாய்ப்பாக அமையும். இது போன்ற தருணங்கள், இதயங்கள் நெகிழ்வுடன், இயேசுவை தங்கள் ஆண்டவராகவும் இரட்சகராகவும் ஏற்றுக்கொள்ள அவர்களின் இதய கதவுகளை திறந்துகொடுக்க ஒரு நல்ல சந்தர்ப்பத்தை உருவாக்கும்.

பவுல் அப்போஸ்தலர், கடவுளைப் பின்பற்றவும், கிறிஸ்துவைப் போலவே அன்பில் நடக்கவும், சிந்தனை, வார்த்தை மற்றும் செயலில் பாவத்தைத் தவிர்ப்பதன் மூலம் ஒழுக்கத் தூய்மையைப் பேணவும் வலியுறுத்துகிறார்.

விசுவாசிகள் தங்கள் பேச்சைக் காத்துக்கொள்ளவும், உலக ஆசைகளை நிராகரிக்கவும், தங்கள் வாழ்க்கையை கடவுளுக்கு ஆன்மீக பலியாகக் கொடுக்கவும் நினைவூட்டுகிறார். 

இறுதியாக, இந்தப்பகுதி கடவுளின் பரிசுத்தத்தை மகிமைப்படுத்தவும், வாழ்க்கையின் ஒவ்வொரு அம்சத்திலும் அவரது அன்பைப் பிரதிபலிக்கும் விதத்திலும் வாழ நம்முன் சவாலை வைக்கிறது.